Ekainak 9an, 21.00h, Hondaribiko Musika Eskola.
Hondarribiko sortzaileen arteko ikus-entzunezko ikuskizuna.
HOK TTUK AMALAU
Mintzalagunen ikasturte bukaerako ekintzak
Bi ekintza aurreikusten dituzte, hona hemen informazioa eta izena emateko telefono eta helbide elektronikoak. Animatu zaitezte.
“Hitz esana” ikuskizuna
Datorren asterako ekitaldi berezi bezain polita antolatu dugu. Ane Garciak eta Eider Perezek ‘Hitz esana’ ikuskizuna ekarriko dute Hondarribira. Poesia, musika, gorputz adierazpena, performancea…
Mintzalagunekin Jaitzubiko padurak ezagutzeko aukera
Liburu aurkezpena: Azken etxea
2023ko kultur ekintzekin hasiak gera dagoeneko. Datorren ostegunean, Hondarribiko Kultur Etxean, Arantxa Urretabizkaiak “Azken etxea” liburua aurkeztuko digu. Animatu eta etorri!
“Humanitatearen une gorenak” liburu aurkezpena
Ostegun honetan, abenduak 22, arratsaldeko zazpiretan, Aritz Galarraga eta Gorka Bereziartua Hondarribiko Liburutegian izango ditugu lehen eskutik “Humanitatearen une gorenak” liburuaren aurkezpena egiten! Animatu zaitez!
2022ko Gau Beltza mikroipuin lehiaketako lanak
GAU BELTZA MIKROIPUIN LEHIAKETAREN lehen edizioaren irabazleak aurkeztu genituen. Sariak banatu eta mikroipuin horiek entzuteko aukera izan genuen ere! Saridunez gain hainbat lan interesgarri jaso genituen eta hemen lan guzti horiek irakurtzeko aukera eman nahi dizuegu. Disfrutatu irakurketaz!
Mikroipuinak irakurgai hemen:
Euskaraldia geroz eta gertuago!
Euskaraldiko azken txanpan sartuta gaude honezkero eta 10 egun besterik ez dira falta hasera emateko. Azaroaren 18tik Abenduaren 2ra izango da aurtengoa eta aurrekoan baino arigune gehiago ditugu izen emanda gure herrian, Hondarribian, 104 entitate zehazki.
Euskaraldiko ariketa honetarako animatu zuen inguruko jendea, familiakoak, lagunak, lankideak eta bururatzen zaizuen edonor. Belarri prest edo ahobizi izan daitezela egun hauetan.
Izen emateko esteka honetan egin ; https://izenematea.euskaraldia.eus oso erraza da. Eta Euskaraldiak irauten duen egunetan, eta urte osoan zehar ere, euskaraz gozatzera! Hondarribia euskaldundu dezagun!
Errigorako sasika eskuratzeko azken egunak!
Euskal Herria oinarri eta auzolana lanabes dituen ekimen herritarra da Errigora. Nafarroa hegoaldea du ardatz eta euskara ofiziala ez den zonaldean eragin nahi du, eremu horretakoak propio diren elikagaiei Euskal Herrian bideaemanaz, euskaratik, euskararako eta euskaraz.
Orain, udazkenean, “Nafar hegoaldeko uzta euskarari puzka” kanpaina martxan dago. Nafarroa hegoaldeko produktuz osatutako saskia desberdinak eskatu daitezke. Auzolanari esker, bertako euskalgintzari ekarpen-ekonomiko garrantzitsua eginez (saski bakoitzaren balioaren %25).
Errigorako saskia hauek eskuratzeko azken eguna Azaroak 10, osteguna, da eta oraindik saskirik eskuratu ez baduzue oraintxe da unea. Erriberako ikastolei eta euskalgintzari arnas pixkat emateko, euskara zokoratu nahi duten Euskal Herriko inguru horietan. Hemen https://labur.eus/puzka22_azkenegunak eskura ditzakezue saskiak. Animatu!
GAU BELTZA MIKROIPUIN LEHIAKETAREN lehen edizioaren irabazleen zerrenda
Blaganek antolatutako GAU BELTZA MIKROIPUIN LEHIAKETAREN lehen edizioaren irabazleen zerrenda badugu:
Ondokoak izan dira epaimahaikideak: Ainara Elizondo, Kote Guevara eta Gorka Bereziartua.
Antolatzaileen partetik gure eskerrik beroenak lehiaketan parte hartzeagatik, benetan IZUGARRIA izan baita jaso dugun erantzuna, guztira 60 lan jaso dira, (39 helduetan eta 18 urtetik beherakoetan 21). Mila esker!!
Irabazleak izendatzeaz gain, gure babesleei esker, zozketak egin ditugu parte hartzaile guztien artean. Hauek izan dira sarituak:
– BI PERTSONANTZAKO GOSARIA GAXEN KAFETEGIAN: Itxaso DIEZ
– BI PERTSONANTZAKO GOSARIA GAXEN KAFETEGIAN: Iker BENGOETXEA
– EROSKIREN SELECTA PRODUKUTUEN SASKIA: Eneko SAGARZAZU
Sari emate ekitaldia, bihar, urriak 31 izango da Amuteko auzo elkartean, 19:15tik aurrera.
KAROLINA SAINZ DE BIKUÑA izango da aurkezlea eta MAITE FRANKOk ipuin beldurgarriak kontatuko dizkigu eta lehiaketara aurkeztutako zenbait lan ere irakurriko ditu.
Animatu eta etorri, plazer handia izango da guretzat zu bertan egotea, ikaragarria izango baita!