Kategoria: Gure ekintzak

Gau Beltza mikroipuin lehiaketaren III. edizioko emaitzak

 “Gau beltza”  mikroipuin lehiaketaren hirugarren edizio honetako gaia “LAZTAN” izan da, eta aurrekoetan bezala, aurten ere bi kategoria egon dira. 18 urtetik beherakoena eta 18 urtetik gorakoena. Guztira 57 lan jaso dira, Euskal Herriko txoko guztietatik. Iaz baino 19 lan gehiago izan dira. 29 lan gazteen kategorian eta 28 ipuin helduen kategorian.

Ainara Elizondo, Gorka Bereziartua eta Kote Guevara epaimahaikideen esanetan, azpimarragarria izan da bai jasotako lan kopurua eta baita hauen literatur kalitatea ere. Hondarribiko liburutegian bilduta, ondokoa ebatzi dute:

18 urtetik beherako kategoria:

1. saria: Zain

Egilea: Gari Iraola Hernández (Usurbil, 2008)

2. saria: Azken taupadak

Egilea: Yader Manuel Salgado Matute (Hondarribia, 2011)

18 urtetik gorako kategoria:

1. saria: Marisorgin 

Egilea: Ibai Zulaika Artolozaga (Sopela, 1993)

2. saria: Laztan

Egilea: Ainhoa Aranburu Puente (Hondarribia, 1969)

Hona hemen sari-banaketa ekitaldiko zenbait argazki:

Eskerrik asko parte hartzaile guztiei, babesleei, aurkezleei eta epaimahaikideei. Eta zorionak irabazleei! Jaso ezazue LAZTAN hotz bat antolatzaileon partetik!!!

Mikroipuin lehiaketaren III. edizioaren sari banaketa

“Gau beltza” mikroipuin lehiaketaren hirugarren edizio honetako gaia “LAZTAN” izan da, eta aurrekoetan bezala, aurten ere bi kategoria egon dira. 18 urtetik beherakoena eta 18 urtetik gorakoena. Guztira 57 lan jaso dira, Euskal Herriko txoko guztietatik. Iaz baino 19 lan gehiago izan dira. 29 lan gazteen kategorian eta 28 ipuin helduen kategorian. Ainara Elizondo, Gorka Bereziartua eta Kote Guevara epaimahaikideen esanetan, azpimarragarria izan da bai jasotako lan kopurua eta baita hauen literatur kalitatea ere.

Epaimahaia Hondarribiko liburutegian bildu da urriaren 23an ebazpena egiteko, eta irabazleak urriaren 31ean iragarriko dira Hondarribiko Udal liburutegian egingo den sari banaketa ekitaldian. Parte hartzaile guztien artean ere zozketak egin dira egitasmoaren babesleen eskuzabaltasunari esker. Sari banaketa ekitaldiko aurkezlea Karolina Sainz de Bikuña izango da eta aurretik Joxe Mari Karrere ipuin kontalari izugarriak sufriaraziko gaitu. Irabazleek bere lanak irakurriko dituzte ekitaldian bertan.


Eskerrik asko parte hartzaile guztiei, babesleei eta epaimahaikideei.

Jaso ezazue LAZTAN hotz bat antolatzaileon partetik!!!

Gau Beltza mikroipuin lehiaketa 2024 – III. edizioa

Blagan euskara elkarteak, hirugarrenez, mikroipuin lehiaketa antolatu du Gau Beltzaren inguruan. Aurtengo gaia “LAZTAN” izango da, eta mikroipuinak gai honen inguruan idatzi behar dira. Bi kategoria daude, gazteen eta helduen kategoria. Lanak entregatzeko epea: 2024aren irailaren 30tik urriaren 15 arte euskarazblagan@gmail.com helbidean. Baldintzak eta sariak behean dituzue. Animatu eta parte hartu!

Hauek dira lehiaketaren oinarriak:

Mila esker herriko babesleei!

Euskararen eguna ospatzen eta aldarrikatzen

Eguraldiak ez genuen gure alde izan, baina atzo giro ederrean aldarrikatu genuen Hondarribian euskaraz bizitzeko gogoa dugula.

Eguerdian euripeko bertso-poteoa Beñat Gaztelumendi eta Maialen Akizurekin.

Bazkari goxo-goxoa jan ondoren Txikiren umorezko historia klasea izan genuen.

Jawata anti-DJ-k girotu zuen arratsaldea.

eta kontzertuan herriko talde gazteekin primeran pasa genuen!

Hok ttuk Hamalau

The IIIngles

Skubi

Mila-mila esker antolatzen aritu zareten Blagan elkarteko boluntario guztioi, Hondarribiko udalari eta bestela ere esku bat bota duzuen guztioi.

Txikieren umorezko bakarrizketa: Euskaldunen jatorria, historia eta irria.

Abenduak 2, euskararen eguneko jaiaren ekintzen artean Txiki izango dugu bazkalostean euskaldunen benetako jatorria, kultura eta historia umorezko bakarrizketa antzeztu baten bidez  kontatzeko. Gure euskara, herria eta kulturaren bizi iraupena ezagutzeko garaia da. Gure historian barna bidaiatzeko aukera originala, antzezlan umoretsu honen bitartez. Big Bangnetik hasita gaur arte: Nire aitaren kobazuloa defendatuko dut lehen euskal pintadetatik, euskalduna naiz eta furgoneta daukat leloraino.

Euskararen eguna prestatzen

📢 Aurten ere, euskararen egunaren harira, abenduak 2 larunbatarako hainbat ekintza prestatzen ari gera: umeentzako jokoak, bertso-poteoa, bazkari herrikoia, kontzertuak, … Laister egitarauaren berri izango duzue!

Mezu honen bidez, beste batzuetan bezala, zuen partehartze eta laguntzaren eske gatoz. Egunean bertan laguntzeko prest bazaude formulario hau bete eta zurekin kontaktuan jarriko gara. Mila esker eta motorrak berotzen hasi!

Mikroipuin lehiaketaren sari banaketa

Mila esker gure lehiaketaren bigarren edizioko parte hartzeaile guztiei, aurtengoan 18 lan jaso ditugu 18 urtetik beherakoen kategoarian eta 20 lan 18 urtetik gorakoenean. Guztira 38 lan, ez dago batere gaizki!

Pasa den ostiralean elkartu zen epaimahaia irabazleak aukeratzeko, eta ondorengoa da erabakia:

Horretaz gain, gure babesleei esker, parte hartzaile guztien artean zozketak egin ditugu eta hauek dira irabazleak:

Sari banaketa ekitaldia urriaren 31ean izango da, Hondarribiko liburutegian (Kale Nagusia, 8) arratsaldeko 19:00etan. Karolina Sanz De Bikuña egongo da aurkezlea lanetan eta Joxe Mari Karrere ipuin kontalariaren saio beldurgarria egongo da. Animatu!

Gau Beltza mikroipuin lehiaketa, II. edizioa

Iazko arrakastaren ondoren aurten ere GAU BELTZA mikroipuin lehiaketa antolatu dugu. Aurtengo gaia “LARRI” izango da, eta mikroipuinak gai honen inguruan idatzi behar dira. Bi kategoria daude, gazteen eta helduen kategoria. Lanak entregatzeko epea: 2023aren irailaren 28tik urriaren 14 arte euskarazblagan@gmail.com helbidean. Baldintzak eta sariak behean dituzue. Animatu eta parte hartu!

Mila esker herriko babesleei!