“Gau beltza” mikroipuin lehiaketaren edizio honetako gaia “ETORKIZUNA” izan da, eta aurrekoetan bezala, bi kategoria egon dira, 18 urtetik beherakoena eta 18 urtetik gorakoena. Aurtengo berrikuntza izan da Hondarribiko lanik onena saritzea bi kategorietan. Guztira 78 lan jaso dira, Euskal Herriko txoko guztietatik. 42 lan gazteen kategorian eta 36 ipuin helduen kategorian. Epaimahaia urriaren 26an bildu da ebazpena egiteko, eta irabazleak urriaren 30ean, arratsaldeko 19:00etan, Hondarribiko Udal Liburutegian (Kale Nagusia, 8) egingo den sari banaketa ekitaldian iragarriko dira. Parte hartzaileen artean ere zozketak egingo dira egitasmoaren babesleen eskuzabaltasunari esker.
Sari banaketa ekitaldian Karolina Sainz de Bikuña aurkezle lanetan eta Joxe Mari Karrere ipuin kontalaria izango ditugu. Irabazleek bere lanak irakurriko dituzte ekitaldian bertan.
Eskerrik asko parte hartzaile guztiei, babesleei eta epaimahaikideei. Eta ZORIONAK irabazleei!!!
